21-ամյա հետախուզվողը հայտնաբերվեց «Զվարթնոց» օդանավակայանում
14.06.2023 11:52
Հետախուզվողի հայտնաբերում
![21-ամյա հետախուզվողը հայտնաբերվեց «Զվարթնոց» օդանավակայանում 21-ամյա հետախուզվողը հայտնաբերվեց «Զվարթնոց» օդանավակայանում](/timthumb?src=/resources/police/img/news/big/1686729177-6628.jpeg&q=75&w=780&wm=1)
Ոստիկանության «Զվարթնոց» օդանավակայանի գծային բաժնի ծառայողների ձեռնարկած օպերատիվ-հետախուզական միջոցառումների շնորհիվ հունիսի 13-ին Մոսկվա-Երևան չվերթի ինքնաթիռի ժամանումից հետո գծային բաժին է տեղափոխվել 21-ամյա Արտեմ Մ.-ն, որը ապրիլի 3-ից ոստիկանության Նոր Նորքի բաժնի կողմից հետախուզվում է ՀՀ նախկին քրեական օրենսգրքի 361-րդ հոդվածի (Զորամասը կամ ծառայության վայրն ինքնակամ թողնելը) 7-րդ մասի մեղադրանքով:
Խափանման միջոցը՝ ստորագրություն:
Հայտնաբերման մասին հայտնվել է հետախուզումը նախաձեռնողին:
`
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: