Ոստիկանները հայտնաբերեցին Ռուսաստանում կատարած սպանության մեղադրանքով հետախուզվողներին
![Ոստիկանները հայտնաբերեցին Ռուսաստանում կատարած սպանության մեղադրանքով հետախուզվողներին Ոստիկանները հայտնաբերեցին Ռուսաստանում կատարած սպանության մեղադրանքով հետախուզվողներին](/timthumb?src=/resources/police/img/news/big/1355731773,2391.jpeg&q=75&w=780&wm=1)
Դեկտեմբերի 14-ին, ժամը 23.30-ին, ոստիկանության քրեական հետախուզության գլխավոր, Տավուշի մարզային վարչությունների և Դիլիջանի բաժնի ծառայողները Դիլիջան քաղաքի «Լեռնային Հայաստան» առողջարանային համալիրին հարակից տնակից բերման են ենթարկել ՌԴ քաղաքացիներ՝ 1977 թ. ծնված Արթուր Կարագյոզյանին և 1983 թ. ծնված Գրիգորի Երեմյանին, որոնք 2007 թ. օգոստոսի 2-ից ՌԴ Կրասնոդարի երկրամասի Սոչի քաղաքի Ադլերի ՆԳԲ կողմից հետախուզվում էին ՌԴ քրեական օրենսգրքի 105 հոդվածի 2-րդ մասի՝ սպանության մեղադրանքով:
Խափանման միջոցը` կալանք:
Հետախուզվողների հայտնաբերման մասին հայտնվել է հետախուզումը նախաձեռնողին:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: