Աշխատանքային հանդիպում հասարակական կարգի ապահովման և արտաքին ծառայությունների պատասխանատուների հետ (ՏԵՍԱՆՅՈՒԹ և ԼՈՒՍԱՆԿԱՐՆԵՐ)
27.06.2014 18:40
Համակարգի լրատու
![Աշխատանքային հանդիպում հասարակական կարգի ապահովման և արտաքին ծառայությունների պատասխանատուների հետ (ՏԵՍԱՆՅՈՒԹ և ԼՈՒՍԱՆԿԱՐՆԵՐ) Աշխատանքային հանդիպում հասարակական կարգի ապահովման և արտաքին ծառայությունների պատասխանատուների հետ (ՏԵՍԱՆՅՈՒԹ և ԼՈՒՍԱՆԿԱՐՆԵՐ)](/timthumb?src=/resources/police/img/news/big/1403885053,5139.jpeg&q=75&w=780&wm=1)
Հունիսի 27-ին ոստիկանության պետ Վլադիմիր Գասպարյանն աշխատանքային հանդիպում ունեցավ հասարակական կարգի ապահովման և արտաքին ծառայությունների պատասխանատուների հետ:
Անդրադառնալով ծառայողական խնդիրների լուծման որակին՝ ոստիկանության պետը նշեց, որ ստորաբաժանումների պատրաստականության անհրաժեշտ մակարդակ հնարավոր է ապահովել միայն պարբերական ու լիարժեք մասնագիտական պարապմունքների միջոցով, ցանկացած ձևական մոտեցում այդ գործին հանգեցնում է սխալների, վրիպումների, արդյունքում՝ առաջադրված խնդրի ոչ լիարժեք կատարման:
Վլադիմիր Գասպարյանը մասնագիտական մակարդակի բարձրացմանը զուգահեռ` ընդգծեց հասարակական կարգի ապահովման մեջ ներգրավված ոստիկանի պաշտպանվածության անհրաժեշտությունը:
Ոստիկանության պետը կրկին հիշեցրեց, որ ոստիկանությունը ապաքաղաքական, վերկուսակցական համակարգ է, և պահանջեց այս սկզբունքը ընկալելի դարձնել հասարակության համար:
Կարևորելով անձնակազմի հետ տարվող աշխատանքը՝ Վլադիմիր Գասպարյանն ընդգծեց, որ հրամանատարներն անձնական պատասխանատվություն են կրում ենթակաների պատրաստականության, անվտանգության, պարտականությունների կատարման որակի համար:
Խոսելով ոստիկանության կողմից որդեգրված հանդուժողական գործելակերպի, զիջողամտության մասին՝ Վլադիմիր Գասպարյանն ընդգծեց, որ հանդուրժողականությունը դուրս չպիտի գա օրենքի ու տրամաբանության սահմաններից, և հարկ եղած դեպքում ոստիկանությունը պետք է գործի իրեն վերապահված լիազորությունների ողջ ծավալով:
Ոստիկանության պետը հավաքի մասնակիցներին հրահանգեց լիարժեք անցկացնել մասնագիտական պարապմունքները, անհրաժեշտության դեպքում հրավիրել ոլորտի այլ մասնագետների, մշակել համալիր ծրագրեր ցանկացած իրավիճակի համար, հասնել ծառայողների և ստորաբաժանումների գործողությունների կատարյալ փոխհամաձայնեցման, մանրակրկիտ նախապատրաստվել առաջիկայում տեղի ունենալիք մեծ վարժանքներին:
Հանդիպման ավարտին Վլադիմիր Գասպարյանը մասնակիցներին կրկին հիշեցրեց ոստիկանների այսօրվա սերնդի գլխավոր առաքելությունը:
Հանդիպման ավարտին Վլադիմիր Գասպարյանը մասնակիցներին կրկին հիշեցրեց ոստիկանների այսօրվա սերնդի գլխավոր առաքելությունը:
![](/images/36/001-27.6.14.jpg)
![](/images/36/002-27.6.14.jpg)
![](/images/36/003-27-6.14.jpg)
![](/images/36/004-27.6-14.jpg)
![](/images/36/005_27.6.14.jpg)
![](/images/36/006-27.6.14.jpg)