Հանձնել են ապօրինի զենք ու զինամթերք (ՏԵՍԱՆՅՈՒԹ)

Հրազենային վնասվածքների ու մահացու դեպքերի զգալի մասն ապօրինի պահվող զենք-զինամթերքի գործածության հետևանքով են լինում: Ուստի նման հանցագործությունների կանխարգելման տեսանկյունից առանցքային նշանակություն ունեն բնակչության մոտ ապօրինի պահվող զենք-զինամթերքի կամավոր հանձնմանն ու հայտնաբերմանն ուղղված միջոցառումները:
Օգոստոսի 27-ին ոստիկանության Սիսիանի բաժնի ծառայողների բացատրական աշխատանքի շնորհիվ Սիսիանի 58-ամյա մի բնակիչ կամավոր հանձնել է առանց համարի «ԱԿ-74» տիպի ինքնաձիգ:
Նույն օրը ոստիկանության ԿՀԴՊ ԳՎ թմրամիջոցների անօրինական շրջանառության դեմ պայքարի և Կոտայքի մարզային վարչությունների ու Նաիրիի բաժնի ծառայողների բացատրական աշխատանքի շնորհիվ Քասախ գյուղի 51-ամյա մի բնակիչ էլ ոստիկանության Նաիրիի բաժնի ծառայողներին է կամավոր հանձնել երկփողանի ողորկափող որսորդական հրացան և ինքնաձիգի 25 փամփուշտ:
Նշանակվել են դատաձգաբանական փորձաքննություններ:
Նախապատրաստվում են նյութեր:
Կրկին հիշեցնում ենք. ապօրինի զենք-զինամթերքը կամովին հանձնած անձն ազատվում է քրեական պատասխանատվությունից, եթե նրա գործողություններն այլ հանցակազմ չեն պարունակում: