ՀՀ ՆԳՆ ոստիկանության թեժ գիծ
  • Ընդհանուր հարցերով
    (+374) 10 54-69-14
    (+374) 10 54-69-12
    Աշխ. ժամեր՝ 9-ից 18-ը: Ընդմիջում՝ 13-ից 14-ը:
    Հանգստյան օրեր՝ շաբաթ, կիրակի:

ԲԱՑԱՀԱՅՏՈՒՄ. հարթաշուրթով հարվածել էր գլխին և վերցրել ժամացույցը

09.06.2018 10:59 Ավազակություն
ԲԱՑԱՀԱՅՏՈՒՄ. հարթաշուրթով հարվածել էր գլխին և վերցրել ժամացույցը

Հունիսի 7-ին ոստիկանության Նոր Նորքի բաժնի ծառայողները, իրացնելով ստացված օպերատիվ տվյալները, բաժին են հրավիրել 1965 թ. ծնված Ալեքսանդր Կ.-ին:
Պարզվել է, որ մայիսին Նոր Նորքի 2-րդ զանգվածում գտնվող այգում Ալեքսանդր Կ.-ի ծանոթ Լեռնիկը հարթաշուրթով հարվածել է Ալեքսանդր Կ.-ի գլխին, սեղմել ձեռքը, ապտակել, ինչի պատճառով վերջինս իր կամքով ձեռքի ժամացույցը տվել է Լեռնիկին:
Ոստիկանության ծառայողների ձեռնարկած օպերատիվ-հետախուզական միջոցառումների շնորհիվ պարզվել է, որ Լեռնիկը 1958 թ. ծնված Լեռնիկ Շ.-ն է, որը հունիսի 8-ին, ժամը 11.30-ին, բերման է ենթարկվել բաժին: Նրա խուզարկությամբ տաբատի գրպանից հայտնաբերվել է Ալեքսանդր Կ.-ից վերցված ժամացույցը:
Նշանակվել է ԴԲՓ:
Հարուցվել է քրեական գործ:
Կատարվում է նախաքննություն:

`


Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: