Հիվանդանոցի բակում մահացած հայտնաբերված տղամարդը հետախուզման մեջ էր
![Հիվանդանոցի բակում մահացած հայտնաբերված տղամարդը հետախուզման մեջ էր Հիվանդանոցի բակում մահացած հայտնաբերված տղամարդը հետախուզման մեջ էր](/timthumb?src=/resources/police/img/news/big/1638944322-499.jpeg&q=75&w=780&wm=1)
Դեկտեմբերի 5-ին հաղորդվել էր, որ «Մասիս» բժշկական կենտրոնի բակում, նստարանին նստած վիճակում, հայտնաբերվել է տղամարդու դի՝ առանց բռնության հետքերի:
Ոստիկանության Մասիսի և Արտաշատի բաժինների ծառայողների համատեղ ձեռնարկած օպերատիվ-հետախուզական միջոցառումների շնորհիվ դեկտեմբերի 7-ին պարզվել է, որ մահացածը 2021 թ. նոյեմբերի 11-ից ոստիկանության Արտաշատի բաժնի կողմից ՀՀ քրեական օրենսգրքի 38-34-312-րդ հոդվածի (Կաշառք տալու փորձին հանցակցելը) մեղադրանքով դատաքննությունից խուսափելու համար հետախուզվող 49-ամյա Վրեժ Հ.-ն է:
Նյութերի նախապատրաստումը շարունակվում է:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: