Հետախուզվողը հայտնաբերվեց համատեղ ձեռնարկված միջոցառումների արդյունքում

Ոստիկանության ՔՈ գլխավոր վարչության, Երևան քաղաքի վարչության, Շենգավիթի բաժնի և ՃՈ 1-ին սպայական գումարտակի ծառայողների համատեղ ձեռնարկած միջոցառումների շնորհիվ մայիսի 28-ին Արշակունյաց պողոտայում հայտնաբերվել և Շենգավիթիր բաժին բերման է ենթարկվել 37-ամյա Արսեն Ղ.-ն, որը մարտի 24-ից ոստիկանության Արաբկիրի բաժնի կողմից հետախուզվում էր ՀՀ քրեական օրենսգրքի 266-րդ (Թմրամիջոցների, հոգեմետ (հոգեներգործուն) նյութերի և դրանց պրեկուրսորների ապօրինի շրջանառությունն իրացնելու կամ պատրաստելու նպատակով կամ դրանց ապօրինի իրացնելը) և 268-րդ (Թմրամիջոցների կամ հոգեմետ (հոգեներգործուն) նյութերի ապօրինի շրջանառությունն առանց իրացնելու նպատակի) հոդվածների մեղադրանքով:
Խափանման միջոցը՝ կալանք:
Արսեն Ղ.-ն ներկայացվել է նախաքննական մարմնին: