Հետախուզվողը տեղափոխվեց քրեակատարողական հիմնարկ

Ոստիկանության ՔՈ գլխավոր վարչության, Սյունիքի մարզային վարչության և Գորիսի բաժնի ծառայողների համատեղ ձեռնարկած միջոցառումների արդյունքում օգոստոսի 14-ին Սյունիքի մարզի Տեղ բնակավայրի «Յալ» կոչվող տարածքում հայտնաբերվել և քրեակատարողական հիմնարկ է տեղափոխվել Հուսեին Թ.-ն, որը հետախուզվում էր ՀՀ քրեական օրենսգրքի 267.1-րդ (Թմրամիջոցների, հոգեմետ (հոգեներգործուն) նյութերի և (կամ) դրանց պրեկուրսորների մաքսանենգությունը) և 268-րդ (Թմրամիջոցների կամ հոգեներգործուն նյութերի ապօրինի շրջանառությունը՝ առանց դրանք իրացնելու նպատակի) հոդվածների մեղադրանքով: