Ոստիկանները հայտնաբերել են 5 հետախուզվողի

Ոստիկանության Արտաշատի բաժնի ծառայողները օպերատիվ տվյալներն իրացնելիս հունվարի 27-ին Արագածոտնի մարզի Ոսկեհատ գյուղից հայտնաբերել և բերման են ենթարկվել Սարգիս Թ.-ին, որը 2018թ. դեկտեմբերի 21-ից հետախուզվում էր ՀՀ քրեական օրենսգրքի 177 հոդվածի (գողությունը) 2-րդ մասի 2-րդ և 3-րդ կետերի մեղադրանքով:

***

Հունվարի 27-ին, ժամը 02.20-ին, ոստիկանության «Զվարթնոց» օդանավակայանի գծային բաժնի ծառայողների ձեռնարկած օպերատիվ-հետախուզական միջոցառումների շնորհիվ Դուբայ-Երևան չվերթի ժամանումից հետո «Զվարթնոց» օդանավակայանի գծային բաժին բերման է ենթարկվել ՌԴ քաղաքացի՝ 1972 թ. ծնված Ալեքսանդր Օ.-ն, որը 2014թ. ապրիլի 4-ից ՌԴ Խաբարովսկի երկրամասի ՆԳՆ կողմից հետախուզվում էր ՌԴ քրեական օրենսգրքի 159 հոդվածի (խարդախությունը) 4-րդ մասի մեղադրանքով:

***

Ոստիկանության Վարդենիսի բաժնի ծառայողների ձեռնարկած օպերատիվ-հետախուզական միջոցառումների շնորհիվ հունվարի 26-ին, ժամը 20.05-ին, Բագրատաշենի անցակետից հայտնաբերվել և բերման է ենթարկվել 1965 թ. ծնված Անդրանիկ Բ.-ն, որը 2018թ. մայիսի 23-ից հետախուզվում էր ՀՀ քրեական օրենսգրքի 179 հոդվածի (յուրացնելը կամ վատնելը) 2-րդ մասի 1-ին կետի մեղադրանքով:

***

Ոստիկանության Սպիտակի բաժնի և ԱԱԾ ծառայողների համատեղ ձեռնարկած օպերատիվ-հետախուզական միջոցառումների շնորհիվ հունվարի 26-ին, ժամը 16.10-ին, Երևան քաղաքի Նալբանդյան և Թումանյան փողոցների խաչմերուկում հայտնաբերվել է 1977 թ. ծնված Վրեժ Տ.-ն, որը 2018 թ.-ի մարտի 1-ից ոստիկանության Կոտայքի բաժնի կողմից հետախուզվում էր ՀՀ քրեական օրենսգրքի 178 հոդվածի (խարդախությունը) 2-րդ մասի 2-րդ կետի և ՀՀ քրեական օրենսգրքի 179 հոդվածի (յուրացնելը կամ վատնելը) 2-րդ մասի 3-րդ կետի մեղադրանքով:

***

Հունվարի 28-ին ոստիկանության Թալինի բաժնի ծառայողների ձեռնարկած օպերատիվ-հետախուզական միջոցառումների շնորհիվ «Շիրակ» օդանավակայանում հայտնաբերվել և ոստիկանության Թալինի բաժին բերման է ենթարկվել Մոսկվա-Գյումրի չվերթով ՀՀ ժամանած, 1991 թ. ծնված Արմեն Ս.-ն, որը 2017թ. հուլիսի 12-ից հետախուզվում էր ՀՀ քրեական օրենսգրքի 205 հոդվածի (հարկը, տուրքը կամ պարտադիր այլ վճարը չվճարելը) 1-ին մասի մեղադրանքով: