Հետախուզվողն ինքնակամ վերադարձավ Հայաստան

Ոստիկանության Հրազդանի բաժնի ծառայողների ձեռնարկած օպերատիվ-հետախուզական միջոցառումների և բացատրական աշխատանքների շնորհիվ հունվարի 12-ին, ժամը 19.50-ին, «Բագրատաշեն» սահմանային անցակետով ՌԴ-ից ինքնակամ Հայաստան է վերադարձել 44-ամյա Սասուն Դ.-ն, որը 2018թ. մարտի 30-ից հետախուզվում էր քրեական օրենսգրքի 243.1 հոդվածի (Տրանսպորտային միջոցներ վարելու իրավունքից զրկված անձի կողմից տրանսպորտային միջոց վարելը կամ այդ անձի կողմից ոչ սթափ վիճակում տրանսպորտային միջոց վարելը կամ սթափության վիճակի զննություն անցնելուց հրաժարվելը կամ խուսափելը) 1-ին մասի մեղադրանքով: