49-ամյա հետախուզվողը հայտնաբերվեց Ալավերդի քաղաքում
![49-ամյա հետախուզվողը հայտնաբերվեց Ալավերդի քաղաքում 49-ամյա հետախուզվողը հայտնաբերվեց Ալավերդի քաղաքում](/timthumb?src=/resources/police/img/news/big/1670574952-3144.jpeg&q=75&w=780&wm=1)
Ոստիկանության Թումանյանի բաժնի քրեական հետախույզների և անձնագրային բաժանմունքի աշխատակիցների համատեղ ձեռնարկած միջոցառումների արդյունքում դեկտեմբերի 8-ին Ալավերդի քաղաքի Թումանյան փողոցում հայտնաբերվել և բաժին է ներկայացվել 49-ամյա Սեյրան Հ.-ն, որը 2018 թ. նոյեմբերի 12-ից ոստիկանության Նոր Նորքի բաժնի կողմից հետախուզվում էր ՀՀ նախկին քրեական օրենսգրքի 38-205-րդ (Հարկերը, տուրքերը կամ պարտադիր այլ վճարումները վճարելուց չարամտորեն խուսափելուն հանցակցելը) և 178-րդ (Խարդախությունը) հոդվածների մեղադրանքով:
Խափանման միջոցը՝ ստորագրություն:
Հայտնաբերման մասին հայտնվել է հետախուզումը նախաձեռնողին:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: