ՌԴ իրավապահների կողմից հետախուզվողը հայտնաբերվեց Վանաձորում
![ՌԴ իրավապահների կողմից հետախուզվողը հայտնաբերվեց Վանաձորում ՌԴ իրավապահների կողմից հետախուզվողը հայտնաբերվեց Վանաձորում](/timthumb?src=/resources/police/img/news/big/1673858213-9859.jpeg&q=75&w=780&wm=1)
Ոստիկանության ՔՈԳՎ, Բազումի բաժնի և Լոռու մարզային վարչության քրեական հետախույզների համատեղ ձեռնարկած օպերատիվ-հետախուզական միջոցառումների արդյունքում հունվարի 14-ին Վանաձոր քաղաքի Մաշտոցի փողոցում հայտնաբերվել և Բազումի բաժին է տեղափոխվել 28-ամյա Նարեկ Բ.-ն, որը դեկտեմբերի 30-ից ՌԴ Դմիտրովսկու շրջանի ոստիկանության կողմից հետախուզվում էր ՌԴ քրեական օրենսգրքի 264-րդ հոդվածի (ՃՏՊ, որը պատճառել է ծանր մարմնական վնասվածք) մեղադրանքով:
Հայտնաբերման մասին հայտնվել է հետախուզումը նախաձեռնողին և Լոռու մարզի դատախազությանը:
Խափանման միջոցը՝ ստորագրություն:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: