Հետախուզվողը հայտնաբերվեց ոստիկանների համատեղ միջոցառումների արդյունքում

Ոստիկանության Գեղարքունիքի մարզային վարչության, Վարդենիսի, Գավառի և Արաբկիրի բաժնի ծառայողների համատեղ ձեռնարկած միջոցառումների շնորհիվ սեպտեմբերի 7-ին Երևան քաղաքի Մամիկոնյանց փողոցից Գավառի բաժին բերման է ենթարկվել 29-ամյա Աշոտ Ղ.-ն, որը ապրիլի 19-ից Հրազդանի բաժնի կողմից հետախուզվում էր ՀՀ քրեական օրենսգրքի 243.1-րդ (Տրանսպորտային միջոցներ վարելու իրավունքից զրկված կամ տրանսպորտային միջոցներ վարելու իրավունքը կասեցված կամ տրանսպորտային միջոցներ վարելու իրավունք չունեցող անձի կողմից տրանսպորտային միջոց վարելը կամ այդ անձի կողմից ոչ սթափ վիճակում տրանսպորտային միջոց վարելը կամ սթափության վիճակի զննություն անցնելուց հրաժարվելը կամ խուսափելը) և 326-րդ (Պաշտոնական փաստաթղթեր ապօրինի ձեռք բերելը կամ իրացնելը) հոդվածների մեղադրանքով:
Խափանման միջոցը՝ ստորագրություն: