Ծառերի, թփերի և բուսածածկի ապօրինի հատման մեղադրանքով հետախուզվողը՝ ոստիկանությունում

Ոստիկանության Քանաքեռ-Զեյթունի բաժնի քրեական հետախուզության բաժանմունքի ծառայողները, իրացնելով ստացված օպերատիվ տվյալները, հոկտեմբերի 20-ին՝ ժամը 20.30-ին, Մոսկվա-Երևան չվերթի ինքնաթիռի ժամանումից հետո, «Զվարթնոց» օդանավակայանի ժամանման սրահից բերման են ենթարկել 1986 թ. ծնված Գարիկ Ք.-ին, որը հոկտեմբերի 14-ից Ստեփանավանի բաժնի կողմից հետախուզվում էր ՀՀ քրեական օրենսգրքի 296-րդ հոդվածի 2-րդ մասի 3-րդ կետի մեղադրանքով (Ծառերի, թփերի և բուսածածկի ապօրինի հատումը):