Հերթական գրպանահատը բերման ենթարկվեց
![Հերթական գրպանահատը բերման ենթարկվեց Հերթական գրպանահատը բերման ենթարկվեց](/timthumb?src=/resources/police/img/news/big/1512981039,1924.jpeg&q=75&w=780&wm=1)
Դեկտեմբերի 10-ին, ժամը 14.20-ին, ոստիկանության Երևան քաղաքի վարչության գրպանահատության դեմ պայքարի բաժանմունքի ծառայողները, գողություն կատարելու կասկածանքով, Երևանի Բաղրամյան պողոտայի թիվ 82 հասցեի մոտից բերման են ենթարկել 1955 թ. ծնված Կնյազ Յ.-ին, որը խոստովանական բացատրություն է տվել, որ նույն օրը, ժամը 14.00-ից 14.15-ն ընկած ժամանակահատվածում, թիվ 58 երթուղու ավտոբուսի սրահում 1981 թ. ծնված Էմմա Հ.-ի պայուսակից գողացել է դրամապանակը, որի մեջ եղել է գումար, նույնականացման քարտ, բանկային քարտ, երկու բանալի և զեղչի քարտեր:
Գողոնն առգրավված է:
Կատարվում է քննություն:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: