ՀՀ կառավարությունում ամփոփվել են ՀՀ ոստիկանության 2013 թ. գործունեության արդյունքները
23.01.2014 20:07
Պաշտոնական
![ՀՀ կառավարությունում ամփոփվել են ՀՀ ոստիկանության 2013 թ. գործունեության արդյունքները ՀՀ կառավարությունում ամփոփվել են ՀՀ ոստիկանության 2013 թ. գործունեության արդյունքները](/timthumb?src=/resources/police/img/news/big/1390493582,9507.jpeg&q=75&w=780&wm=1)
ՀՀ վարչապետ Տիգրան Սարգսյանի գլխավորությամբ այսօր կառավարությունում քննարկվել է ՀՀ ոստիկանության 2013 թ. առաջին կիսամյակի գնահատված կատարողականի և ՀՀ կառավարության 2013 թ. գործունեության միջոցառումների ծրագրի ու գերակա խնդիրների կատարման հաշվետվությունը:
ՀՀ ոստիկանության պետ Վլադիմիր Գասպարյանը ՀՀ վարչապետին զեկուցել է հաշվետու տարում ՀՀ կառավարության գործունեության միջոցառումների իրականացման և գերակա խնդիրների լուծման ուղղությամբ ՀՀ ոստիկանության կողմից իրականացված քայլերի և բարեփոխումների մասին: Մասնավորապես, նա մանրամասներ է ներկայացրել Երևանի հասարակական վայրերում տեսադիտման սարքավորումների ձեռքբերման և համակարգի ներդրման, ճանապարհային երթևեկության անվտանգության ապահովման ոլորտում տեխնիկական հագեցվածության շարունակական զարգացման, ՀՀ մարզերում ճանապարհային ոստիկանության կողմից բնակչությանը մատուցվող ծառայությունների որակի բարելավման ուղղությամբ կատարված աշխատանքների վերաբերյալ: ՀՀ ոստիկանության պետը տեղեկատվություն է ներկայացրել նաև 2014 թ. ծրագրերի վերաբերյալ, որոնց շրջանակում ՀՀ ոստիկանության գերակա խնդիրներն են ՀՀ Կոտայքի և Տավուշի մարզերում տրանսպորտային միջոցի գրանցման և հաշվառման գոծողությունների իրականացումը և վարորդական վկայականների հատկացման գործընթացի կատարելագործումը և պարեկային ծառայության մոդելի ներդրումը:
![](/images/230114-01.jpg)
![](/images/230114-02.jpg)
![](/images/230114-03.jpg)
![](/images/230114-04.jpg)
![](/images/230114-05.jpg)
![](/images/230114-06.jpg)