ՀՀ ոստիկանությունը պարզաբանում է

18.02.2013 22:17 Ընտրություններ

Համացանցում տարածվել է Երևան քաղաքի Քանաքեռի 3/02 տեղամասի ընտրական հանձնաժողովի անդամ Նելլի Բաբախանյանի մեկնաբանությունը` անձնագրին կից ներկայացված կասկածելի տեղեկանքի վերաբերյալ, ըստ որի՝ վերջինս կասկած է հայտնել լրացուցիչ ցուցակում ընդգրկված լինելու տեղեկանքի հավաստիության վերաբերյալ:

ՀՀ ոստիկանությունը պարզել է, որ տեսանյութում ներկայացված տեղեկանքում Արմեն Արշակի Հունանյանի անհատական տվյալներն են: Ստուգմամբ պարզվել է, որ Արմավիրի մարզի Շահումյան համայնքի Լ. Նավասարդյան տուն 57/1 հասցեում հաշվառված Արմեն Արշակի Հունանյանը (15.01.1981թ.) իր դիմումի համաձայն ընդգրկվել է Երևան քաղաքի Զաքարիա Քանաքեռցու փ.128Ա շենքի բն. 25 հասցեի ընտրողների լրացուցիչ ցուցակում` հանվելով Շահումյան համայնքի Լ. Նավասարդյան տուն 57/1 հասցեի ընտրողների հիմանական ցուցակից:

Հայաստանի Հանրապետության ոստիկանությունը, որպես ՀՀ ընտրողների ռեգիստրը վարող մարմին, հավաստիացնում է, որ հաշվառման վայրի ընտրողների ցուցակից ընտրողի տվյալները ժամանակավորապես հանելու և ըստ գտնվելու վայրի ընտրական տեղամասի ընտրողների լրացուցիչ ցուցակում ընդգրկելու վերաբերյալ քաղաքացիների կողմից ներկայացված դիմումները քննարկվել և որոշումները կայացվել են ՀՀ ընտրական օրենսգրքի 8-րդ հոդվածի պահանջների հստակ պահպանմամբ:

ՀՀ ընտրական օրենսգրքի 8-րդ հոդվածով նախատեսված բոլոր լրացուցիչ ցուցակները կազմվում է բացառապես ծրագրային ապահովմամբ` ավտոմատ եղանակով, ինչը բացառում է միևնույն ընտրողի տվյալների կրկնությունը հիմնական և լրացուցիչ ցուցակներում:

Ինչ վերաբերում է ՀՀ ընտրական օրենսգրքով նախատեսված ըստ գտնվելու վայրի ընտրողների լրացուցիչ ցուցակում ընդգրկվուն, ապա այն քաղաքացու սուբյեկտիվ իրավունքն է և ոստիկանությունը որևէ իրավական ակտով իրավասու չէ սահմանափակելու նշված իրավունքի իրացումը:

ՀՀ ՈՍՏԻԿԱՆՈՒԹՅՈՒՆ

ՀՀ ոստիկանությունը պարզաբանում է

ՀԻՄՆԱԿԱՆ