Կարաոկե ակումբում հայտնաբերվել է քրեական օրենսգրքի մի քանի հոդվածների մեղադրանքներով հետախուզվող

Ոստիկանության Էրեբունու բաժնի ծառայողների ձեռնարկած միջոցառումների շնորհիվ, փետրվարի 23-ին, ժամը 20.50-ին, Երևանի Խանջյան փողոցում գտնվող կարաոկե ակումբից բերման է ենթարկվել 1987 թ. ծնված Գևորգ Հ.-ն, որը փետրվարի 16-ից ոստիկանության Շենգավիթի բաժնի կողմից հետախուզվում էր ՀՀ քրեական օրենսգրքի 258 հոդվածի (խուլիգանություն) 4-րդ մասի, 316 հոդվածի (իշխանության ներկայացուցչի նկատմամբ բռնություն գործադրելը) 2-րդ մասի, 177 հոդվածի (գողություն) 2-րդ մասի 1-ին և 3-րդ կետերի մեղադրանքով: