Սպանության և ապօրինի զենք կրելու մեղադրանքներով հետախուզվողին հայտնաբերեցին «Զվարթնոց» օդանավակայանում (ՏԵՍԱՆՅՈՒԹ)
![Սպանության և ապօրինի զենք կրելու մեղադրանքներով հետախուզվողին հայտնաբերեցին «Զվարթնոց» օդանավակայանում (ՏԵՍԱՆՅՈՒԹ) Սպանության և ապօրինի զենք կրելու մեղադրանքներով հետախուզվողին հայտնաբերեցին «Զվարթնոց» օդանավակայանում (ՏԵՍԱՆՅՈՒԹ)](/timthumb?src=/resources/police/img/news/big/1456849980,2232.jpeg&q=75&w=780&wm=1)
Փետրվարի 29-ին, ժամը 19.30-ին, ոստիկանության քրեական հետախուզության գլխավոր վարչության և «Զվարթնոց» օդանավակայանի գծային բաժնի ծառայողները օդանավակայանում հայտնաբերել և բերման են ենթարկել 1976 թ. ծնված Գեորգի Դավիդյանցինին, որը 2010 թ. սեպտեմբերի 16-ից Լատվիայի Հանրապետության իրավապահների կողմից հետախուզվում էր ԼՀ քրեական օրենսգրքի 117 հոդվածի (սպանություն) 3-րդ և 10-րդ մասերի և 233 հոդվածի (ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելը) 2-րդ մասի մեղադրանքներով:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: