Հրազդանի ոստիկանները հետախուզվողին հայտնաբերեցին սահմանային անցակետում
![Հրազդանի ոստիկանները հետախուզվողին հայտնաբերեցին սահմանային անցակետում Հրազդանի ոստիկանները հետախուզվողին հայտնաբերեցին սահմանային անցակետում](/timthumb?src=/resources/police/img/news/big/1686293220-4251.jpeg&q=75&w=780&wm=1)
Ոստիկանության Հրազդանի բաժնի ծառայողների ձեռնարկած օպերատիվ-հետախուզական միջոցառումների արդյունքում հունիսի 8-ին Ռուսաստանի Դաշնությունից Հայաստան վերադառնալիս Բագրատաշենի սահմանային անցակետում հայտնաբերվել և Հրազդանի բաժին է տեղափոխվել 31-ամյա Գևորգ Մ.-ն, որը հետախուզվում էր ՀՀ քրեական օրենսգրքի 344-րդ հոդվածի (Տրանսպորտային միջոցներ վարելու իրավունքից զրկված կամ այդ իրավունքը կասեցված անձի կողմից տրանսպորտային միջոցներ վարելը կամ այդ անձի կամ տրանսպորտային միջոցներ վարելու իրավունք չունեցող անձի կողմից հարբած (ոչ սթափ) վիճակում տրանսպորտային միջոց վարելը կամ սթափության վիճակի զննություն անցնելուց հրաժարվելը կամ խուսափելը) մեղադրանքով:
Նա ներկայացվել է վարույթն իրականացնող մարմին:
Խափանման միջոցը՝ բացակայելու արգելք:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: