Հրազդան-Հանքավան ճանապարհին տեղի ունեցած պատահարի հետևանքով մահացել է «Մերսեդես»-ի վարորդը

Սեպտեմբերի 9-ին, ժամը 21.30-ի սահմաններում, 1983 թ. ծնված Հարություն Տոնոյանի վարած «Մերսեդես» մակնիշի ավտոմեքենան Հրազդան-Հանքավան ճանապարհի սկզբնամասում բախվել է բենզալցակայանի պատին:
Պատահարի հետևանքով Հ. Տոնոյանը և ուղևորը մարմնական վնասվածքներով տեղափոխվել են հիվանդանոց:
Գիշերը, ժամը 01.30-ին, վարորդը Հրազդան քաղաքի բժշկական կենտրոնում մահացել է:
Ոստիկանության Կոտայքի մարզի քննչական բաժնում նախապատրաստվում են նյութեր: