Հրդեհ Գեղամավանում. վնասի չափը պարզվում է

Ապրիլի 29-ին, ժամը 00.30-ին, ոստիկանության Սևանի բաժնում ահազանգ է ստացվել, որ հրդեհ է բռնկվել Գեղամավան գյուղի բնակիչ, 1962 թ. ծնված Արտաշ Գ.-ի տան հարևանությամբ գտնվող անասնագոմում և հացատան տանիքում, ինչի հետևանքով այրվել է շուրջ 400 քմ տարածք, ծխահեղձ են եղել 2 խոշոր և 16 մանր եղջերավոր անասուններ ու 20 հավ:
Հրդեհը մարվել է նույն օրը, ժամը 03.50-ին` 2 մարտական հաշվարկի ուժերով:
Վնասի չափը պարզվում է:
ՀՀ ԱԻՆ Գեղարքունիքի մարզի հրդեհային և տեխնիկական անվտանգության տեսչությունում նախապատրաստվում են նյութեր: