Հրդեհ կրպակում. 39-ամյա տղամարդ է մահացել
![Հրդեհ կրպակում. 39-ամյա տղամարդ է մահացել Հրդեհ կրպակում. 39-ամյա տղամարդ է մահացել](/timthumb?src=/resources/police/img/news/big/1516692027,2252.jpeg&q=75&w=780&wm=1)
Հունվարի 22-ին, ժամը 6.40-ին, ոստիկանության Երևան քաղաքի վարչության օպերատիվ կառավարման կենտրոն է զանգահարել մի կին և հայտնել, որ Նորապատ գյուղի «Սադախլու» կոչվող շուկայի կրպակում մի տղա է ապրում, կրպակն այրվում է. նա գտնվում է ներսում:
Պարզվել է, որ նույն օրը, ժամը 6.30-ի սահմաններում, Նորապատի 21-րդ փողոցի թիվ 13 շենքի հարևանությամբ գտնվող կրպակի ներսում փայտի վառարանից հրդեհ է բռնկվել, և կրպակում բնակվող, 1979 թ. ծնված Բագրատ Դավթյանը այրվել ու մահացել է:
Նշանակվել է դատաբժշկական փորձաքննություն:
Դեպքի հանգամանքները պարզվում են:
Կատարվում է քննություն:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: