Որսորդական հրացանների պահպանության պայմանները ստուգելիս ապօրինի պահվող զինամթերք է հայտնաբերվել

Ոստիկանության Մարտունու բաժնի ծառայողներն օրերս այցելել են 1967 թ. ծնված Մանվել Մ.-ի տուն՝ նրան պատկանող «ՏՕԶ-63» տիպի, 16 մմ տրամաչափի, երկփողանի և «ԻԺ-18» տիպի, 12 մմ տրամաչափի, մեկփողանի ողորկափող որսորդական հրացանների պահպանության պայմանները ստուգելու:
Ստուգման ընթացքում ննջասենյակում գտնվող երկաթյա պահարանի մեջ որսորդական հրացանների հետ միասին հայտնաբերել է 5.6 մմ տրամաչափի 20 փամփուշտ և 0.84 կգ «ամունալ» տեսակի պայթուցիկ նյութ:
Նշանակվել է փորձաքննություն:
Կատարվում է հետաքննություն: