Ոստիկաններն այցելել են ՀՕՖ-ի երեխաների աջակցության կենտրոն

ՆԳՆ ոստիկանության և Հայ օգնության ֆոնդի միջև ձևավորվել է արդյունավետ փոխգործակցություն ։
Ամանորի և Սուրբ Ծնունդի տոներին ընդառաջ՝ դեկտեմբերի 28-ին, ոստիկանության անչափահասների հանցավորության և ընտանեկան բռնության կանխարգելման վարչության ծառայողները, վարչության պետ, ոստիկանության գնդապետ Էդգար Պետրոսյանի հետ այցելեցին ՀՕՖ-ի երեխաների աջակցության կենտրոն։
Հանդիպումը ջերմ էր, մթնոլորտը՝ տոնական․ երեխաներին հետաքրքրող հարցերի շուրջ անմիջական ու անկեղծ զրույցները շարունակվեցին երգ ու պարով։ Հրաժեշտից առաջ, ինչպես ընդունված է ավանդաբար, ոստիկանները Ամանորի նվերներ հանձնեցին երեխաներին և մաղթեցին ժպիտ ու երջանկություն։