Ձերբակալվել են երկաթգծի ուղեգծի տակդիրներ գողացած անձինք
18.12.2021 13:11
Գողություն
![Ձերբակալվել են երկաթգծի ուղեգծի տակդիրներ գողացած անձինք Ձերբակալվել են երկաթգծի ուղեգծի տակդիրներ գողացած անձինք](/timthumb?src=/resources/police/img/news/big/1639818722-6365.jpeg&q=75&w=780&wm=1)
Դեկտեմբերի 17-ին ոստիկանության Սևանի բաժնում տեղեկություն էր ստացվել, որ «Հարավ-կովկասյան երկաթուղի» ՓԲ ընկերության Հրազդան-Սևան ուղեհատվածի 82-րդ կմ-ին՝ Վարսեր գյուղից Սևան քաղաք ընկած հատվածում, ուղեգծի 80 տակդիր պակասել է:
Ձեռնարկված օպերատիվ-հետախուզական միջոցառումների արդյունքում պարզվել է, որ դեկտեմբեր ամսվա սկզբնին տակդիրները գողացել են 18 և 21 տարեկան երկու երիտասարդ, որոնք ներկայացվել են նախաքննական մարմնին ու ձերբակալվել:
Կատարվում է քննություն։
`
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: