Ղազախստանի իրավապահների կողմից հետախուզվում էր խարդախության մեղադրանքով

Ոստիկանության «Զվարթնոց» օդանավակայանի գծային բաժնի ծառայողների ձեռնարկած միջոցառումների շնորհիվ նոյեմբերի 14-ին Մոսկվա-Երևան չվերթի ինքնաթիռի ժամանումից հետո օդանավակայանում հայտնաբերվել, ձերբակալվել և գծային բաժին է տարվել 43-ամյա Էդուարդ Ա.-ն: Նա 2021 թ. նոյեմբերի 16-ից Ղազախստանի Հանրապետության Նուրսուլթան քաղաքի իրավապահների կողմից հետախուզվում էր խարդախության մեղադրանքով:
Խափանման միջոցը՝ կալանք:
Հայտնաբերման մասին հայտնվել է հետախուզումը նախաձեռնողին և դատախազությանը: