Ճանապարհատրանսպորտային պատահարներ մայրաքաղաքում

Փետրվարի 26-ին, ժամը 11.20-ին, հիվանդանոցից ոստիկանության ՃՈ օպերատիվ կառավարման կենտրոն հաղորդում է ստացվել, որ վրաերթի հետևանքով ստացած մարմնական վնասվածքով բուժօգնության է դիմել 22-ամյա քաղաքացուհի:
Ձեռնարկված օպերատիվ-քննչական միջոցառումների շնորհիվ պարզվել է, որ նույն օրը, ժամը 11.00-ի սահմաններում, Երևանի թիվ 1 համալսարանական հիվանդանոցի բակում աղջկան վրաերթի է ենթարկել «Նիսան» մակնիշի ավտոմեքենայի վարորդը:
Կատարվում է քննություն:

***
Փետրվարի 26-ին, ժամը 11.25-ին, հիվանդանոցից ոստիկանությունում հաղորդում է ստացվել, որ «10-րդ կողի կոտրվածք» ախտորոշմամբ բուժօգնության է դիմել 55-ամյա մի կին և հայտնել, որ Թումանյան փողոցում վայր է ընկել:
Նյութերի նախապատրաստման ընթացքում պարզվել է, որ նույն օրը, ժամը 10.30-ին, Երևանի Կողբացու և Թումանյան փողոցների խաչմերուկում կնոջը վրաերթի է ենթարկել «Ֆոլքսվագեն Տուարեգ» մակնիշի ավտոմեքենայի վարորդը:
Կատարվում է քննություն:

***
Փետրվարի 26-ին, ժամը 14.30-ին, անհայտ ավտոմեքենայի վարորդը Երևանի Արշակունյաց պողոտայի թիվ 20 հասցեի մոտ վրաերթի է ենթարկել 48-ամյա կնոջ, որը մարմնական վնասվածքներով տեղափոխվել է հիվանդանոց:
Կատարվում է քննություն:

***
Փետրվարի 26-ին, ժամը 18.40-ին, Երևանի Նալբանդյան փողոցի թիվ 110 շենքի դիմաց անհայտ ավտոմեքենայի վարորդը վրաերթի է ենթարկել 38-ամյա կնոջ և 13-ամյա աղջկա, որոնք մարմնական վնասվածքներով բուժօգնության են դիմել հիվանդանոց:
Կատարվում է քննություն:

***
Փետրվարի 26-ին, ժամը 20.10-ին, «Տոյոտա» մակնիշի ավտոմեքենայի վարորդը Երևանի Գրիգոր Լուսավորչի փողոցի թիվ 2 շենքի մոտ վրաերթի է ենթարկել 59-ամյա կնոջ և նրան տեղափոխել հիվանդանոց:
Կատարվում է քննություն:

***
Փետրվարի 27-ին, ժամը 00.05-ին, «ԻԺ» մակնիշի ավտոմեքենան Երևանի Արմենակյան փողոցի թիվ 153/3 տան դիմաց բախվել է էլեկտրասյանը, ապա գազատար խողովակին և կողաշրջվել:
Վարորդը մարմնական վնասվածքներով տեղափոխվել է հիվանդանոց:
Կատարվում է քննություն:

***
Փետրվարի 26-ին, ժամը 14.30-ին, Երևանի Լենինգրադյան փողոցի թիվ 27/3 հասցեի դիմաց իրար են բախվել «Մոսկվիչ» և «ԶԱԶ» մակնիշի ավտոմեքենաներ:
«ԶԱԶ»-ի վարորդը մարմնական վնասվածքներով տեղափոխվել է հիվանդանոց:
Կատարվում է քննություն:

***
Փետրվարի 26-ին, ժամը 20.20-ին, «Հագեր» մակնիշի ավտոբուսի վարորդը Էրեբունի փողոցի թիվ 18 հասցեի մոտ վրաերթի է ենթարկել 56-ամյա կնոջ, որը մարմնական վնասվածքներով տեղափոխվել է հիվանդանոց:
Տուժողին տեղում առաջին բուժօգնություն ցուցաբերել են ոստիկանության Երևան քաղաքի վարչության ՊՊԾ գնդի 1-ին վաշտի ծառայողները:
Կատարվում է քննություն:

***
Փետրվարի 26-ին, ժամը 09.00-ին, «Ֆոլքսվագեն» մակնիշի ավտոմեքենան Երևանի Խուդյակովի 4-րդ և 7-րդ փողոցների խաչմերուկում բախվել է «Մերսեդես» մակնիշի ավտոմեքենայի, վերջինս էլ` Խուդյակովի փողոցի թիվ 14 շենքի մոտ կայանված «Կիա» և «Մերսեդես» մակնիշի ավտոմեքենաների, ապա էլեկտրասյանը:
Պատահարի հետևանքով «Մերսեդես»-ի ուղևորը մարմնական վնասվածքներով տեղափոխվել է հիվանդանոց:
Կատարվում է քննություն: