Պատահարներ Երևանում և հանրապետության ավտոճանապարհներին

Հոկտեմբերի 8-ին, ժամը 17.40-ին, «Ռենո» մակնիշի ավտոմեքենան Երևանի Արշակունյաց պողոտայում բախվել է «Մերսեդես Բենց» մակնիշի ավտոմեքենայի, որն էլ առաջ շարժվելով` վրաերթի է ենթարկել 80-ամյա կնոջ, որը մարմնական վնասվածքներով բուժօգնության է դիմել հիվանդանոց:
Կատարվում է քննություն:

***
Հոկտեմբերի 8-ին, ժամը 21.55-ին, հիվանդանոց բուժօգնության է տեղափոխվել 38-ամյա տղամարդ և հայտարարել, որ վնասվածքները ստացել է Երևանի Արցախի 4-րդ նրբանցքում անհայտ ավտոմեքենայի վարորդի կողմից վրաերթի ենթարկվելու հետևանքով:
Ոստիկանության ծառայողների ձեռնարկած միջոցառումների արդյունքում՝ հոկտեմբերի 9-ին, ժամը 2-ին, Արցախի 4-րդ նրբանցքի 10 շենքից, նշված վրաերթը կատարելու կասկածանքով, բերման է ենթարկվել 53-ամյա մի տղամարդ և տվել խոստովանական բացատրություն, որ վրաերթը կատարել է «ԳԱԶ 33027» մակնիշի բեռնատար ավտոմեքենայով:
Կատարվում է քննություն:

***
Հոկտեմբերի 8-ին, ժամը 19.30-ին, Երևանի Գուրգեն Մահարու փողոցում իրար են բախվել «Ֆոլքսվագեն» և «Օպել» մակնիշի ավտոմեքենաներ:
Վարորդները և «Օպել»-ի ուղևորը մարմնական վնասվածքներով տեղափոխվել են հիվանդանոց:
Կատարվում է քննություն:

***
Հոկտեմբերի 8-ին, ժամը 21.00-ին, «Մերսեդես Բենց» մակնիշի ավտոմեքենայի վարորդը Երևանի Նուբարաշենի 10-րդ փողոցի թիվ 2 տան դիմաց վրաերթի է ենթարկել 61-ամյա կնոջ, որը մարմնական վնասվածքներով տեղափոխվել է հիվանդանոց:
Կատարվում է քննություն:

***
Հոկտեմբերի 7-ին, ժամը 23.30-ի սահմաններում, «Մերսեդես Բենց» մակնիշի ավտոմեքենան Երևան-Երասխ ճանապարհին՝ Մարմարաշեն գյուղի հատվածում, բախվել է բետոնե արգելապատնեշների. վարորդը մարմնական վնասվածքներով դիմել է հիվանդանոց:
Կատարվում է քննություն:

***
Հոկտեմբերի 8-ին, ժամը 14.20-ի սահմաններում, «Ֆոլքսվագեն» մակնիշի ավտոմեքենան Վաղարշապատի Թելմանի փողոցի թիվ 1 տան դիմաց, հետընթաց կատարելիս, վրաերթի է ենթարկել 65-ամյա կնոջ, ով շտապօգնության ավտոմեքենայով տեղափոխվել է հիվանդանոց:
Կատարվում է քննություն:

***
Հոկտեմբերի 8-ին, ժամը 09.30-ի սահմաններում, «ՈՒԱԶ 31512-01» մակնիշի ավտոմեքենայի վարորդը Բերդի Մաշտոցի և Նժդեհի փողոցների խաչմերուկում վրաերթի է ենթարկել 3-ամյա աղջկա, որը մարմնական վնասվածքով տեղափոխվել է հիվանդանոց:
Կատարվում է քննություն: