Տղամարդու անձնական խուզարկությամբ հայտնաբերվել է «Մակարով» ատրճանակ

Հունվարի 5-ին ոստիկանության Արարատի բաժնում տեղեկություններ էին ստացվել, որ Արալեզ գյուղի բնակիչ, 60-ամյա տղամարդն իր մոտ և ավտոմեքենայի սրահում զենք-զինամթերք է պահում:
Նույն օրը, ժամը 14.30-ին, տղամարդը հայտնաբերվել է Տափերական գյուղի Այվազովսկու փողոցում և, ապօրինի զենք պահելու կասկածանքով, իր «Ֆորդ» ավտոմեքենայով հանդերձ, բերման է ենթարկվել բաժին։ Անձնական խուզարկությամբ նրա ջինսե տաբատի նստելատեղի աջ գրպանից հայտնաբերվել է «Մակարով» ատրճանակ՝ լիցքավորված 3 փամփուշտով:
Հայտնաբերվածները փաթեթավորվել և կնիքվել են` փորձաքննության ուղարկելու համար:
Ոստիկանների բացատրական աշխատանքի արդյունքում տղամարդն իր տան հյուրասենյակի բազմոցի միջից ներկայացրել է 9 մմ տրամաչափի 328 փամփուշտ:
Կատարվում է քննություն։