Պատահարից 4 օր անց ուղևորուհին մահացավ
![Պատահարից 4 օր անց ուղևորուհին մահացավ Պատահարից 4 օր անց ուղևորուհին մահացավ](/timthumb?src=/resources/police/img/news/big/1523004292,8152.jpeg&q=75&w=780&wm=1)
Ապրիլի 2-ին, ժամը 20.30-ի սահմաններում, «ԲՄՎ-316» մակնիշի ավտոմեքենան Կապանի Գործարանային փողոցում դուրս էր եկել հանդիպակաց երթևեկելի գոտի և բախվել «Մերսեդես C 180» մակնիշի ավտոմեքենայի:
«Մերսեդես C 180»-ի վարորդը, 4 ուղևորները, «ԲՄՎ-316»-ի վարորդը և ուղևորը մարմնական վնասվածքներով տեղափոխվել էին հիվանդանոց:
Ապրիլի 6-ին, ժամը 1.40-ին, հիվանդանոցից ոստիկանության Կապանի բաժնում հաղորդում է ստացվել, որ նշված ավտովթարի հետևանքով հիվանդանոց տեղափոխված և իրենց մոտ ստացիոնար բուժման մեջ գտնվող, «Մերսեդես C 180»-ի ուղևորուհին` 1961 թ. ծնված Լաուրա Մարտիրոսյանը, ժամը 00.40-ին մահացել է:
Կատարվում քննություն:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: