Մասիսի ոստիկանների կողմից հետախուզվողը հայտնաբերվեց Բավրայի անցակետում
04.05.2022 11:30
Հետախուզվողի հայտնաբերում
![Մասիսի ոստիկանների կողմից հետախուզվողը հայտնաբերվեց Բավրայի անցակետում Մասիսի ոստիկանների կողմից հետախուզվողը հայտնաբերվեց Բավրայի անցակետում](/timthumb?src=/resources/police/img/news/big/1651649457-3681.jpeg&q=75&w=780&wm=1)
Ոստիկանության Աշոցքի բաժնի և Բավրայի սահմանապահ վերահսկողության բաժնի ծառայողների համատեղ ձեռնարկած միջոցառումների շնորհիվ մայիսի 3-ին սահմանային անցակետում հայտնաբերվել և Աշոցքի բաժին բերման է ենթարկվել 34-ամյա Նարինե Խ.-ն, որը ապրիլի 20-ից ոստիկանության Մասիսի բաժնի կողմից հետախուզվում էր ՀՀ քրեական օրենսգրքի 181-րդ հոդվածի (Հափշտակությունը, որը կատարվել է համակարգչային տեխնիկայի օգտագործմամբ) մեղադրանքով:
Խափանման միջոցը՝ ստորագրություն:
Հայտնաբերման մասին տեղեկացվել է հետախուզումը նախաձեռնողին:
`
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: