Մարաշի ոստիկանները հայտնաբերել են մեքենան և այն փախցնողին

Ապրիլի 23-ին ոստիկանության օպերատիվ կառավարման կենտրոն զանգած քաղաքացին հայտնել էր, որ ապրիլի 22-ի ժամը 21.00-ից ապրիլի 23-ի ժամը 06.50-ն ընկած ժամանակահատվածում փախցրել են իր տան մոտ կայանված՝ իրեն ամրագրված «ԳԱԶել» մակնիշի մեքենան:
Ոստիկանության Մարաշի բաժանմունքի քրեական հետախույզները ձեռնարկած օպերատիվ-հետախուզական միջոցառումների արդյունքում մեքենան, սարքին վիճակում, հայտնաբերել են Շերամի փողոցում: Նշված մեքենան փախցնելու կասկածանքով Մարաշի բաժանմունք բերման ենթարկված 38-ամյա տղամարդը տվել է խոստովանական բացատրություն:
Նախապատրաստվում են նյութեր: