Մարգարա-Վանաձոր ճանապարհին և Նոր-Խարբերդ գյուղում մեքենաներ են բախվել

Հուլիսի 1-ին, ժամը 22.00-ի սահմաններում, Մարգարա-Վանաձոր ճանապարհի 53-րդ կմ-ին իրար են բախվել «ԶԻԼ» և «Օպել» մակնիշի ավտոմեքենաներ:
«Օպել»-ի վարորդը մարմնական վնասվածքներով տեղափոխվել է հիվանդանոց:
Կատարվում է քննություն:

***

Հուլիսի 2-ին, ժամը 00.30-ի սահմաններում, Նոր-Խարբերդ գյուղ տանող ճանապարհին «Ֆորդ-Տրանզիտ» մակնիշի ավտոմեքենան բախվել է առջևից ընթացող անհայտ մակնիշի և պետհամարանիշի ավտոմեքենայի:
«Ֆորդ-Տրանզիտ»-ի վարորդը և ուղևորը մարմնական վնասվածքներով տեղափոխվել են հիվանդանոց:
Ձեռնարկվում են միջոցառումներ նշված ավտոմեքենան հայտնաբերելու ուղղությամբ:
Կատարվում է քննություն: