Մարիխուանա

Հոկտեմբերի 6-ին, ժամը 11.30-ին, ոստիկանության Երևան քաղաքի վարչության  և Մաշտոցի բաժնի ծառայողները, ապօրինի թմրամիջոց պահելու կասկածանքով, բերման են ենթարկել 1962 թ. ծնված Հրայր Գ.-ին, որի հողատարածքում` կենցաղային իրերի տակ, հայտնաբերվել է թղթե փաթեթ`17,5 գ չորացված, մանրացված դեղնականաչավուն զանգվածով, և 21,7 գ կանեփանման չորացված զանգված, իսկ հողատարածքում` աճեցված կանեփանման թուփ:
Հրայր Գ.-ն հայտարարել է, որ հայտնաբերվածը մարիխուանա թմրամիջոց է, պատկանում է իրեն, հավաքել է իր հողատարածքից` անձնական օգտագործման համար:
Հայտնաբերվածն առգրավվել և ուղարկվել է փորձաքննության:
Կատարվում է հետաքննություն: