Աշտարակի քրեական հետախույզները 20 գրամից ավելի մարիխուանա են հայտնաբերել

Աշտարակի քրեական հետախույզները ապօրինի թմրաշրջանառության վերաբերյալ օպերատիվ տեղեկություններ էին ստացել։ Հունիսի 18-ին ձեռնարկած միջոցառումների շնորհիվ Ոսկեվազ համայնքում հայտնաբերեցին ու բաժին բերման ենթարկեցին 54, 53 և 28 տարեկան երեք տղամարդու՝ վերջինիս վարած «Հոնդայով» հանդերձ։ 54-ամյա տղամարդու խուզարկությամբ հայտնաբերվեցին մարիխուանայի նմանվող զանգվածներով փաթեթներ՝ ընդհանուր 20 գրամից ավելի քաշով։ Նա ոստիկաններին հայտնեց, որ հայտնաբերվածը մարիխուանա է, ինքն է պատրաստել վայրաճ կանեփի տերևներից:
Նշանակավել են փորձաքննություններ:
Հանգամանքները պարզվում են։