Հետախուզվողը հայտնաբերվեց և ներկայացվեց նախաքննական մարմնին
![Հետախուզվողը հայտնաբերվեց և ներկայացվեց նախաքննական մարմնին Հետախուզվողը հայտնաբերվեց և ներկայացվեց նախաքննական մարմնին](/timthumb?src=/resources/police/img/news/big/1656061468-1278.jpeg&q=75&w=780&wm=1)
Ոստիկանության Սիսիանի և Մալաթիայի բաժինների ծառայողների համատեղ ձեռնարկած օպերատիվ-հետախուզական միջոցառումների արդյունքում հունիսի 23-ին Բաբաջանյան փողոցում հայտնաբերվել և Մալաթիայի բաժին բերման է ենթարկվել 31-ամյա Նարեկ Թ.-ն, որը հետախուզվում էր ՀՀ քրեական օրենսգրքի 243.1-րդ հոդվածի (Տրանսպորտային միջոցներ վարելու իրավունքից զրկված կամ տրանսպորտային միջոցներ վարելու իրավունքը կասեցված կամ տրանսպորտային միջոցներ վարելու իրավունք չունեցող անձի կողմից տրանսպորտային միջոց վարելը կամ այդ անձի կողմից ոչ սթափ վիճակում տրանսպորտային միջոց վարելը կամ սթափության վիճակի զննություն անցնելուց հրաժարվելը կամ խուսափելը) մեղադրանքով:
Խափանման միջոցը՝ ստորագրություն:
Նա ներկայացվել է նախաքննական մարմնին:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: