Մարտունու ոստիկանների բացատրական աշխատանքի շնորհիվ հետախուզվողը վերադարձավ Հայաստան
![Մարտունու ոստիկանների բացատրական աշխատանքի շնորհիվ հետախուզվողը վերադարձավ Հայաստան Մարտունու ոստիկանների բացատրական աշխատանքի շնորհիվ հետախուզվողը վերադարձավ Հայաստան](/timthumb?src=/resources/police/img/news/big/1640330188-6365.jpeg&q=75&w=780&wm=1)
Ոստիկանության Մարտունու բաժնի ՔՀԲ ծառայողների բացատրական աշխատանքի արդյունքում դեկտեմբերի 23-ին Մոսկվա-Երևան չվերթով վերադառնալուց հետո «Զվարթնոց» օդանավակայանում ոստիկաններին է ներկայացել 37-ամյա Էդիկ Գ.-ն, որը 2018 թ. հոկտեմբերի 10-ից ոստիկանության Մարտունու բաժնի կողմից հետախուզվում էր ՀՀ քրեական օրենսգրքի 325-րդ (Փաստաթղթեր, դրոշմներ, կնիքներ, ձևաթղթեր, տրանսպորտային միջոցների հաշվառման համարանիշեր կեղծելը, իրացնելը կամ օգտագործելը) և 329-րդ (Պետական սահմանն ապօրինի հատելը) հոդվածների մեղադրանքով:
Խափանման միջոցը՝ ստորագրություն:
Էդիկ Գ.-ն ներկայացվել է նախաքննական մարմնին:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: