Մեղրիի ոստիկանները բացահայտեցին Նռնաձորում կատարված բնակարանային գողությունը

Մարտի 7-ի գիշերը ոստիկանության Մեղրիի բաժին էր դիմել Նռնաձոր գյուղի մի բնակիչ. վերջին օրերի ընթացքում պատուհանից մտել էին նրա տուն և գողացել կենցաղային իրեր ու փող:
Բաժնի օպերատիվ խումբը մեկնում է դեպքի վայր: Ոստիկաններին նաև հետաքրքրում էր, թե ով կարող էր տեղյակ լինել, որ մանկավարժ տանտերը մի քանի օրով բացակայել էր տնից:
Մեղրիի քրեական հետախույզները ձեռնարկում են օպերատիվ-հետախուզական միջոցառումներ ու ստանում տվյալ, որ գողությունն արել են նույն գյուղի երկու բնակիչ` 20 և 15 տարեկան: Նույն օրը նրանք բաժնում խոստովանում են արարքը: Բայց այստեղ էականը անչափահասի խնդիրն էր:
Նյութերի նախապատրաստման ընթացքում պարզվում է նաև, որ 20-ամյա երիտասարդը անչափահաս տղայի միջոցով էր ճշտել, որ նրա ուսուցչուհին բացակայում է տնից, իսկ հետո էլ անչափահասին ներգրավել էր հանցագործության կատարմանը:
Հանգամանքները պարզվում են: