Ոստիկանները գտել են մեքենան՝ մասնատված վիճակում

Հունիսի 20-ին, ժամը 18.00-ին, 39-ամյա մի տղամարդ ոստիկանության Նոր Նորքի բաժնում հաղորդում է տվել, որ իր «Մերսեդեսը» վաճառելու համար կայքի միջոցով ծանոթացել է Մհեր անվամբ ներկայացած անձի հետ: Նա հավելել է, որ մեկ ժամ առաջ Ավանի Խուդյակովի փողոցի 4-րդ նրբանցքում Մհերը, չարաշահելով իր վստահությունը, գումար բերելու նպատակով հեռացել է և խաբեությամբ տիրացել «Մերսեդեսին»:
Ոստիկանության Երևան քաղաքի վարչության և Ավանի բաժանմունքի քրեական հետախույզների ձեռնարկած համատեղ միջոցառումների շնորհիվ պարզվել է Մհերի ինքնությունը: Մայրաքաղաքի Բաբաջանյան փողոցի 30-ամյա բնակչի անունը բոլորովին էլ Մհեր չէր:
Ձեռնարկվում են միջոցառումներ նրան հայտնաբերելու ուղղությամբ:
Վնասի չափը պարզվում է:
Հետագա միջոցառումներով հունիսի 21-ին նշված մեքենան հայտնաբերվել է Ներքին Չարբախում, 46-ամյա մի տղամարդու ավտոտնակում՝ մասնատված վիճակում:
Խարդախություն կատարելու կասկածանքով նա բերման է ենթարկվել Ավանի բաժանմունք:

***
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: