Սեպտեմբերի 1-ը Գեղարքունիքի մարզում (ՏԵՍԱՆՅՈՒԹ)
![Սեպտեմբերի 1-ը Գեղարքունիքի մարզում (ՏԵՍԱՆՅՈՒԹ) Սեպտեմբերի 1-ը Գեղարքունիքի մարզում (ՏԵՍԱՆՅՈՒԹ)](/timthumb?src=/resources/police/img/news/big/1441105212,3991.jpeg&q=75&w=780&wm=1)
Այսօր հանրապետության մարզերում նույնպես հնչեց դպրոցական զանգը, եւ կրթօջախները կրկին լցվեցին աշխույժով: Համընդհանուր տոնին Գեղարքունիքի մարզում հավուր պատշաճի էին պատրաստվել ոչ միայն ուսուցչական կոլեկտիվները, ծնողներն ու երեխաները, այլ նաև ոստիկանության ծառայողները: Օգոստոսի 29-ից 31-ն ընկած ժամանակահատվածում, այնպես էլ այսօր, Գեղարքունիքի մարզային վարչության, Գավառի, Սևանի, Ճամբարակի, Վարդենիսի և Մարտունու բաժինների ծառայողներն այցելեցին մարզի գյուղերի և սահմանամերձ համայնքների դպրոցներ, հանդիպումներ ունեցան ուսուցչական կոլեկտիվների, ծնողների և առաջին դասարանցիների հետ: Հանդիպումները ընթացքում ոստիկանության ծառայողները առաջին դասարանցիներին փոխանցեցին իրենց պատրաստած նվերները՝ աշակերտական պայուսակներ, գրենական պիտույքներ և այլ պարագաներ: Առաջին դասարանցիները մեծ ոգևորությամբ ընդունեցին նվերները, շնորհակալական խոսքով հանդես եկան դպրոցների տնօրենները, ուսուցիչներն ու աշակերտների ծնողները, որոնք իրենց խոսքում անդրադարձան ոստիկանության կողմից մշտական ուշադրության և ոստիկանություն-դպրոց փոխհամագործակցության հանգամանքին:
Ոստիկանության ծառայողները նշեցին, որ դպրոցականների հետ կապը մշտական է լինելու, փոխհամագործակցությունն անպայման կնպաստի, որ այսօրվա դեռահասը վաղը դառնա օրինապահ եւ օրենքով պաշտպանված քաղաքացի: