Միջազգային վարորդական վկայական տալու կարգի վերաբերյալ
18.07.2022 17:00
Խորհուրդներ վարորդներին
![Միջազգային վարորդական վկայական տալու կարգի վերաբերյալ Միջազգային վարորդական վկայական տալու կարգի վերաբերյալ](/timthumb?src=/resources/police/img/news/big/1658149359-2867.jpeg&q=75&w=780&wm=1)
Միջազգային ավտոմոբիլային երթևեկությանը մասնակցելու համար ազգային վարորդական վկայականի հիման վրա, առանց տեսական և/կամ գործնական քննությունների մասնակցելու, մեկ աշխատանքային օրվա ընթացքում տրվում է միջազգային վարորդական վկայական։
Միջազգային վարորդական վկայական ստանալու համար անձը քննական մարմին է ներկայացնում
‒ անձը հաստատող փաստաթուղթ,
‒ մեկ գունավոր լուսանկար՝ 3x4 չափսի,
‒ վարորդական վկայական տալու համար օրենքով սահմանված պետական տուրքի վճարման անդորրագիր (12.000 ՀՀ դրամ),
‒ ազգային վարորդական վկայական՝ գործող։
Միջազգային վարորդական վկայականը տրվում է մինչև երեք տարի ժամկետով, բայց ոչ ավելի, քան ազգային վարորդական վկայականի գործողության ժամկետը։