Մի ընկերությունից գողություն էին արել ու բռնվել. Գավառի ոստիկանների բացահայտումը

Մայիսի 26-ին ոստիկանության Գավառի բաժնում հաղորդում էր ստացվել, որ երկու օր առաջ գողացել են «Ռադիո» ՓԲ ընկերության Նորատուս գյուղի ալեհավաքային կարգավորիչի դետալը՝ ընկերությանը պատճառելով մոտ 250 հազար դրամի վնաս:
Ձեռնարկված միջոցառումների շնորհիվ Գավառի քրեական հետախույզները տվյալներ ստացան, որ գողությունն արել են Նորատուսում բնակվող երկու եղբայրներ: 34 և 29 տարեկան կասկածվողները բերման ենթարկվեցին ոստիկանության Գավառի բաժին:
Նրանք տվել են խոստովանական բացատրություն:
Պարզվել է, որ նույն ընկերությունից գողություն էին արել նաև մայիսի 23-ին:
Գողոնը մասամբ հայտնաբերվել է:
Հանգամանքները քննությամբ պարզվում են: