Մի շարք հանցագործությունների մեղադրանքով հետախուզվող է հայտնաբերվել
![Մի շարք հանցագործությունների մեղադրանքով հետախուզվող է հայտնաբերվել Մի շարք հանցագործությունների մեղադրանքով հետախուզվող է հայտնաբերվել](/timthumb?src=/resources/police/img/news/big/1649238447-8671.jpeg&q=75&w=780&wm=1)
Ոստիկանության Մուշի բաժնի ՔՀԲ ծառայողների ձեռնարկած օպերատիվ-հետախուզական միջոցառումների շնորհիվ ապրիլի 5-ին Էջմիածին քաղաքի Մեսրոպ Մաշտոցի փողոցում հայտնաբերվել և Մուշի բաժին բերման է ենթարկվել 28-ամյա Սևակ Գ.-ն, որը մարտի 2-ից հետախուզվում էր ՀՀ քրեական օրենսգրքի 119-րդ (Ֆիզիկական ուժեղ ցավ կամ հոգեկան ուժեղ տառապանք պատճառելը), 137-րդ (Սպանության, առողջությանը ծանր վնաս պատճառելու կամ գույք ոչնչացնելու սպառնալիքը), 137.1-րդ (Ծանր վիրավորանքը), 353.1-րդ (Անհետաձգելի միջամտության որոշումը կամ պաշտպանական որոշումը դիտավորությամբ չկատարելը), 131-րդ (Մարդուն առևանգելը), 118-րդ (Ծեծը), 147-րդ (Բնակարանի անձեռնմխելիությունը խախտելը) և 176-րդ (Կողոպուտը) հոդվածների մեղադրանքով:
Խափանման միջոցը՝ կալանք:
Սևակ Գ.-ն ներկայացվել է վարույթն իրականացնող մարմնին:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: