Հրդեհի հետևանքով այրվել է Արտաշատ քաղաքի տներից մեկի տանիքը

Նոյեմբերի 14-ին, ժամը 04.40-ին, ՀՀ ՏԿ ԱԻՆ «911» ծառայությունից ոստիկանության Արտաշատի բաժնում հաղորդում է ստացվել, որ այրվում է Արտաշատ քաղաքի Ղուկասյան փողոցի տներից մեկի տանիքը:
Պարզվել է, որ նույն օրը, ժամը 04.00-ի սահմաններում, անհայտ պայմաններում այրվել է 1982 թ. ծնված Կարինե Ն.-ի տան տանիքը` ընդհանուր 200 քմ մակերեսով:
Վնասի չափը պարզվում է:
Հրդեհը մարվել է ժամը 06.28-ին՝ 3 մարտական հաշվարկի ուժերով:
Արարատի մարզային հրդեհային տեսչությունում կատարվում է հետաքննություն: