Նախաքննությունը շարունակվում է
26.07.2013 11:41
Մարմնական վնասվածք
Հուլիսի 19-ին, ժամը 02.40-ին, հիվանդանոցից ոստիկանության Քանաքեռ-Զեյթունի բաժնում հաղորդում է ստացվել, որ «ձախ դաստակի ափային մակերեսի կտրած վերք» ախտորոշմամբ բուժօգնության է դիմել 1981 թ. ծնված Երվանդ Բ.-ն, որը հիվանդանոցում հայտնել է, որ վնասվածքը ստացել է վիճաբանության ժամանակ` դանակով:
Ըստ բժշկի տեղեկանքի` Երվանդ Բ.-ն ի վիճակի չի եղել բացատրություն տալու:
Նշանակվել է դատաբժշկական փորձաքննություն:
Ոստիկանության ծառայողների բացատրական աշխատանքների շնորհիվ, հուլիսի 25-ին, ժամը 21.00-ին, բաժին է ներկայացել 1983 թ. ծնված Աշոտ Մ.-ն և խոստովանական բացատրություն տվել, որ հուլիսի 19-ին, ժամը 02.00-ին, Դրոյի փողոցի թիվ 22 հասցեի մոտ, վիճաբանության ժամանակ, դանակով Երվանդ Բ.-ին հարվածել և վնասվածքը պատճառել է ինքը:
Երվանդ Բ.-ն հրաժարվել է հաղորդում և բացատրություն տալուց:
Նախաքննությունը շարունակվում է:
`
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
