Նախկինում դատվածը` նոր խոստովանությամբ

04.06.2014 10:07 Գողություն

Մարտի 10-ին, ժամը 13.40-ին, ոստիկանության Մուշի բաժին էր դիմել 1948 թ. ծնված Մաքսիմ Ս.-ն և հաղորդում տվել, որ Գյումրիի Շիրակացու փողոցում գտնվող իր կիսակառույց տան լոգարանի պատուհանը հրել-բացելով` գողացել են 100 մ պղնձյա մալուխ և էլեկտրական գործիքներ` պատճառելով մոտ 120.000 դրամի նյութական վնաս:

Մեկ այլ քրեական գործի նախաքննության ընթացքում բերման ենթարկված, 1993 թ. ծնված, նախկինում դատված Հմայակ Շ.-ն խոստովանել է, որ գողությունը կատարել է ինքը:

Ձեռնարկվում են միջոցառումներ գողոնը հայտնաբերելու ուղղությամբ:

Բայց սա դեռ ամենը չէ:

Ոստիկանության Մուշի բաժին էր դիմել նաև1939 թ. ծնված Ջուլիետա Մ.-ն և հաղորդում տվել, որ իր տան ննջասենյակի պատուհանը հրել-բացելով` գողացել են ոսկյա զարդեր` պատճառելով մոտ 200.000 դրամի նյութական վնաս:

Պարզվել է, որ նշված գողությունը նույնպես կատարել է Հմայակ Շ.-ն:

Գողոնը մասամբ առգրավված է:

Հմայակ Շ.-ն ձերբակալված է:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Նախկինում դատվածը` նոր խոստովանությամբ

ՀԻՄՆԱԿԱՆ