Ներկայացան քրեական հետախույզների ձեռնարկած միջոցառումների արդյունքում

Ոստիկանութան Էրեբունու բաժնի քրեական հետախույզների անցկացրած բացատրական աշխատանքների շնորհիվ նոյեմբերի 14-ին, ժամը 11.05-ին, Ռոստով-Երևան չվերթի ինքնաթիռի ժամանումից հետո ոստիկանության Էրեբունու բաժին է ներկայացվել 50-ամյա Կարեն Բ.-ն, որը 2017 թ. նոյեմբերի 14-ից հետախուզվում էր ՀՀ քրեական օրենսգրքի 178-րդ հոդվածի (Խարդախությունը) 3-րդ մասի 1-ին կետի մեղադրանքով:

***

Ոստիկանության Բազումի բաժնի քրեական հետախույզների ձեռնարկած օպերատիվ- հետախուզական միջոցառումների և անցկացրած բացատրական աշխատանքների շնորհիվ նոյեմբերի 14-ին, ժամը 05.10-ին, «Զվարթնոց» օդանավակայանից ոստիկանության Բազումի բաժին բերման է ենթարկվել Լոս Անջելես-Քաթար-Երևան չվերթով ժամանած 61-ամյա Սուսաննա Ա.-ն, որը օգոստոսի 23-ից ոստիկանության Բազումի բաժնի կողմից հետախուզվում էր ՀՀ քրեական օրենսգրքի 178-րդ հոդվածի (Խարդախությունը) 2-րդ մասի 2-րդ կետի և 325-րդ հոդվածի (Փաստաթղթեր, դրոշմներ, կնիքներ, ձևաթղթեր, տրանսպորտային միջոցների հաշվառման համարանիշեր կեղծելը, իրացնելը կամ օգտագործելը) 1-ին մասի մեղադրանքներով: