Նոր Նորքի ոստիկանները հայտնաբերել են մարիխուանա և հաշիշ

Ոստիկանության Նոր Նորքի բաժնի ծառայողները օպերատիվ-հետախուզական միջոցառումների արդյունքում սեպտեմբերի 6-ին ստացան թմրանյութ ապօրինի պահելու և իրացնելու վերաբերյալ հերթական տեղեկությունը, որը նույն օրն էլ իրացրին: Ժամը 15.10-ի սահմաններում Մոլդովական փողոցում նրանք ձերբակալեցին և բաժին տեղափոխեցին Երևանի Գարեգին Նժդեհի փողոցի բնակիչ, 24-ամյա մի երիտասարդի: Անձնական խուզարկությամբ նրա մոտ հայտնաբերվեցին փաթեթներ՝ մարիխուանայի նմանվող մոտ 78 գրամ և հաշիշի նմանվող մոտ 1 գրամ զանգվածներով:
Տարածքային քննչական մարմնում նախաձեռնվել է քրեական վարույթ: Նշանակվել է փորձաքննություն։ Հանգամանքները պարզվում են: