Դիլիջանից գողացած մարմարե արձանը Երևան էին տեղափոխել «Ռենջ Ռովեր»-ով (ՏԵՍԱՆՅՈՒԹ)
![Դիլիջանից գողացած մարմարե արձանը Երևան էին տեղափոխել «Ռենջ Ռովեր»-ով (ՏԵՍԱՆՅՈՒԹ) Դիլիջանից գողացած մարմարե արձանը Երևան էին տեղափոխել «Ռենջ Ռովեր»-ով (ՏԵՍԱՆՅՈՒԹ)](/timthumb?src=/resources/police/img/news/big/1423660467,0165.jpeg&q=75&w=780&wm=1)
Փետրվարի 7-ին ոստիկանության Դիլիջանի բաժնում ահազանգ էր ստացվել, որ գիշերը գողացել են Դիլիջան քաղաքի Մյասնիկյան փողոցի թիվ 52 հասցեում գտնվող ամֆիթատրոնի կենտրոնական մասում տեղադրված մարմարե արձանը:
Ոստիկանության Դիլիջանի և Նոր-Նորքի բաժինների ծառայողների ձեռնարկած միջոցառումների արդյունքում՝ փետրվարի 10-ին հանցագործությունը բացահայտվել է:
Պարզվել է, որ գողությունը կատարել են Երևանի բնակիչներ՝ 1990 թ. ծնված Գևորգ Գևորգյանը և 1986 թ. ծնված Ասատուր Ծատուրյանը, ովքեր փետրվարի 7-ին, ժամը 01.00-ից 04.00-ն ընկած ժամանակահատվածում, նշված վայրից գողանալով արձանը՝ Գևորգյանի վարած «Ռենջ Ռովեր» մակնիշի ավտոմեքենայով տեղափոխել Երևան քաղաքի Քոչարյան փողոցի տներից մեկի բակ:
Գողոնն առգրավված է:
Կատարվում է քննություն:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: